أنا أخترت أبو الفتوح ومش ندمان على أختيارى ومبسوط انى أمنت بشخص وأشتغلت ولو شويه علشان بيه ننجح ثورتنا ولو بشكل جزئى ، الثوره بعد ما فات سنه ونص مخدتش اى مكاسب حقيقه أن الاوان حد محسوب على معسكر الثوره يتحط فى اهم مركز فى مصر ممكن يغير مصر ويقودها للنجاح الكلى للثوره .
انا أخترت أبو الفتوح بكامل قواى العقليه ومتحمل نتيجه اختيارى وهانزل اهتف ضده زى ما هتفت يوم تدشين حملته الرئاسيه “الثوره مش هاتروح يسقط أبوالفتوح” ومش هاسكت لو لاقيته غلط وهايغلط لأن احنا بننتخب بشر مش بننتخب انبياء ولأننا عايشين على الأرض مش عايشين فى السما .
وعلى فكره فى كل الأحوال أنا كسبت .. كسبت ناس أشتغلت معاهم علشان هدف واحد منهم الليبرالى والعلمانى والملحد والأسلامى كلنا كنا بنشتغل علشان حلم وبجد الناس دى هفتقد ايام شغلنا مع بعض جدا واتمنى ربنا ميضيعش جهدنا لأنهم من الكنوز وتعبوا اكتر من اى حد ، كلنا أشتغلنا علشان “مصرالقويه” وبس .
ليست هناك تعليقات:
إرسال تعليق