الأحد، 15 يوليو 2012

هي كيميا





وطلع إن البني آدميين زي العناصر الكيميائية في أي معادلة.. تخيلوا!

  يعني في بني آدم لما يتواجد مع شخص محدد تلاقي نفسك بتشوفه عنصر أو واحد تالت، واذا تواجد البني ادم ده من غير الشخص المحدد تلاقيه متفاعل بشكل تاني وكويس وشخص طبيعي، وفي بن آدم مهما تفاعل مع بني آدمين تانيين عمره ما يفقد خصائصه الأساسيه بالعكس بيفضل زي ما هو عنصر متماسك محتفظ بخواصه، وفي بني آدميين تانيين كل شغلتهم في الحياه انهم يخلوا البني آدميين تتفاعل مع بعض "يشتكبوا" ويطلعوا هما صاخ سليم ودول بيكونوا زي العامل المحفز كده في المعادلة، وفي كمان بني آدمين زي المياه مجرد ما يتفاعلوا مع أي حد تاني بيكتسب خصائصه وبتروح خواصه الأساسيه وطعمه الأساسي وبيبقي بني آدم مالوش طعم!

يمكن علشان كده لما نيجي نوصف علاقتنا بالأشخاص اللي متفاهمين معاهم بنقول حاسس ان كيميتي راكبه معاه أو كيميتنا واحدة؟! 


هناك 3 تعليقات:

  1. حبيت كتير هادي التدوينة
    يبدو ان اقامتي هنا ستطول

    ردحذف
    الردود
    1. اقامتك على راسى ده انتى تنورينى :)

      حذف
  2. أزال المؤلف هذا التعليق.

    ردحذف