اسرار يكشفها أحد ضباط 8 أبريل

الظابط ده عمل اكونت علي تويتر يوم السبت 28 يناير وكتب كل التويتات دي وتم غلق الاكونت بعدها بيوم .. 

والنهارده اتفتح تانى الكلام اغلبه منطقي .. اقروا وقولوا رأيكو ..

الملازم اول : محمد وديع

ظابط في الصاعقه

رقمه العسكرى

١٢٦٤٣٣

ملازم أول/ محمد وديع الوحده ٩٩٩ قتال سابقا ضباط ٨ ابريل حاليا والعمر واحد والرب واحد

يعنى ايه قسم ؟ يعنى ايه أقسم بالله العظيم أن أكون جنديا وفيا لجمهورية مصر العربيه ؟ طيب يعنى ايه نكتب بأجسامنا مصر

مبارك مبارك مصر ؟؟

يعنى ايه قبل قرار تنحى مبارك يتسرح ١٨٠٠ مسجون من السجن الحربى منهم اغتصاب وقتل على طريق مصر الاسماعيليه ؟؟


يعنى ايه اللوا صلاح الشربينى لصف ظابط هاديك شلوط تطلع عند ربنا يقولولك جاى منين تقولهم من عند اللوا صلاح يقولولك

ارجع مش عايزين مشاكل


يعنى ايه اللواء الروينى يغلق مسجد المنطقه المركزيه ويمنع الصلاه فيه بعد ما صلي فيه المخلوع علشان يفضل محافظ عليه
لحد ما ييجى يصلى تانى ؟؟

يعنى ايه الديكتاتور مختار المللا يتكلم عن الديقراطيه ؟؟

يعنى ايه الضايع سامى عنان يخطط لجيش مصر ؟؟

يعنى ايه ممدوح شاهين التايه يشرع لمصر ؟؟

يعنى ايه النقيب أحمد حمام والرائد أشرف عبد الحميد والملازم مينا أبطال موقعة العذريه ما حدش يعرف عنهم حاجه ؟

يعنى ايه قائد الفرقه التاسعه المشاه الميكانيكى يأمر صغار الضباط بالإفراج عن الحصنه والجمال واصحابهم علشان يروحوا

ينفذه مذبحه فى التحرير ؟؟

يعنى ايه ابن المشير يروح مخابرات عامه ما تعجبهوش يروح رقابه اداريه يزهق يرجع العامه تانى عزبة بابى ؟؟

يعنى ايه ابن المشير يخترعوله منصب عند تخرجه من الشرطه المنسق العام بين وزارتى الدفاع والداخليه ؟؟

يعنى ايه جميع أولاد لواءات القوات المسلحه إما مخابرات عامه أو رقابه إداريه ؟؟

يعنى ايه فى العروض والاستعراضات نصرف ملايين على الفشخره الكدابه زى اللى بياخد هرمونات فى الجيم ومافيهوش

نفخه ؟؟

يعنى ايه هشام ماهر فى لواء الوحدات يسرق بنزين للسيل علشان ينفذوا التدريب ؟

الصاعقه البحريه رفضت ضرب المتظاهرين امام المنطقه الشماليه والصاعقه البريه دغدغت زمايلها قبل الناس يوم ٨ ابريل

مين وصلهم لكده ؟؟

ضباط لواء الوحدات الخاصه رجال الضفادع البشريه رفضوا ضرب المتظاهرين اما ال ٧٧٧ ؟؟

يعنى ايه الشرطه العسكريه اللى بتأمن المحاور وتحول الطرق ولها مهمه محترمه فى الحرب يحولها بادين لمباحث مكافحة

الثوار ؟؟

يعنى ايه الصاعقه المصريه احد مصادر رعب اسرائيل ماسكين عصيان وطالعين يجروا ورا الناس فى الشوارع بقيادة اللواء

سامى سعد زغلول

يعنى ايه ظابط مظلات الباريه بتاعه متوحد على مستوى العالم قافز حر قوات خاصه يفتخر بضرب البنات كإنه فتح عكه مين

وصله ده ؟؟

يعنى ايه قائد السجن يقولى يا ابنى المشير لا دريان بيا ولا بيك يلا حسن الختام قمال دريان بمصر ازاى ؟؟

يعنى ايه اللوا الفخرانى يكلف بوابه ٩ ميليون الرقابه الاداريه تزعل يطلع معاش ويتعين محافظ الاسماعيليه ؟؟

يعنى ايه القبه السماويه فى الكليه الحربيه تتكلف ٤٥ ميليون جنيه فى عهد مختار المللا

يعنى ايه حمام فى الصحراء يتكلف ٢ ميليون جنيه يعملوا خبير المانى لإحتمال قدوم مبارك لعرض المنطقه الغربيه

يعنى ايه الروينى فى المنطقه المركزيه للضباط ثورة ايه وخره ايه احنا غلطنين اننا ما دسناش عليهم بالجزمه ؟؟

يعنى ايه مختار المللا فى معهد المدرعات للضباط هما فاكرين انهم عملوا ثوره لكن احنا هانوريهم حبة العيال

يعنى ايه اللواء الفنجرى وسيد البرنس يقولوا احنا حطينا روحنا على كفنا ضد مبارك ولولا اللى عاملناه بإنعقاد المجلس ما

كانتش الثوره نجحت ؟؟

يعنى ايه محسن الفنجرى يقول لما نغير المحافظين والمحليات والجامعات والداخليه تبقى فين الدوله بقى ؟؟

يعنى ايه محسن الفنجرى يقول فى لقاء بالسجن الحربى الحركات الشبابيه دول هما اللى بوظوا الثوره ونصفهم عملاء وخونه

ونصفهم مغيبين ؟

يعنى ايه كل الفلوس والذهب والموبايلات الاحراز فى السجن الحربى تتباع وتوزع مكافئات على الضباط والجنود ؟؟

يعنى ايه جميع محتويات مقر الحزب الوطنى تبقى بقانون غنائم الحرب فى مخازن الفرقه الثانيه المشاه الميكانيكى وهو كده ؟؟

يعنى ايه الجبن يبقى اهم صفات المقاتل !!!!

يعنى ايه المشير يقول على طلبة الكليه الحربيه بعد خناقة ١٥ مايو الطلبه دول انا كنت قادر احرقهم !!

إله الملاعب اما لو انت على دكة البدلاء وسيادته جه يلعب رمية تماس تقف انتباه من حديد لحد ما يلعب ويدخل الملعب تانى تقوم

قاعد

ولو بتلعب معاه تباصيله كتير ولو الجون فاضى وهو جنبك لازم هو اللى يجيب الجون لو الكوره اتقطعت منه تجرى بسرعه

وتحاول ترجعهاله

تعليمات الماتش ما تدخلش عليه ماترقصهوش سيبه يرقصك ما تشوطش وهو واقف حواليك ما تلمسهوش واللى ادانى التعليمات

لواء مدير جهاز الرياضه

لعبت كوره مع المشير فى ٢٠٠٥ وكان ضدى وبيلعب مع المهد الفنى واحنا حربيه

يعنى ايه الرئيس المخلوع بتتبنيله فيلا فى السجن الحربى دلوقتى ومستشفى السجن بتتجهز لتصبح سبع نجوم تحسبا لأى

احتمالات

يعنى ايه الروينى فى المتحف المصري لما ما يعجبوش حد يقول يا تسعات فسحوه ياخدوه وحوش ال ٩٩٩ ورا المتحف لحد ما

يبانلو صاحب مسلسل الوسيه ده ؟

يعنى ايه اخد فرقة السيل يبقى عادى واخد القائد بتاعى اوصله وانا مروح ابقى اشطر ظابط فالوجود ؟؟

يعنى ايه المخابرات العامه يمسكها لواء وهيئة الرقابه الإداريه يمسكها لواء والمحافظين لواءات الدوله كانت الجيش مش

حسنى مبارك

يعنى ايه لما تتكلم فى التطوير والتدريب يتقال لك اسكت ماتوديش نفسك فى داهيه ؟

يعنى ايه تلاتين سنه التوفيق وامتداد رمسيس وخلف العبور واذ فجأه قصور فى التجمع الخامس والرحاب ومدينتى والشروق ؟؟

يعنى ايه مرتب الملازم ٢٠٠٠ جنيه ومرتب اللواء ٥٠٠٠ جنيه والفرق بينهم ٣٠ سنه عمل سياسة تجويع وحرمان ؟؟

يعنى ايه حصاد هدايا زفاف ابن احد اللواءات ٢٥٠٠٠٠ جنيه ذهب

والله العظيم المشير ما عايز يضحك على الشعب والله العظيم المشير عايز يكسر إرادة الشعب

طيب يعنى ايه يصبح عرف مستديم فى احتفالات القوات المسلحه ذبح عجل تحت اقدام المشير نوعا من القرابين والاضحيه

لسيادته ؟؟

يعنى ايه لما ارفض الكلام فى المخابرات يتقلى لدينا من الوسائل والاساليب اللى يخليك تعترف على نفسك انك جاسوس وانت

مش جاسوس ؟؟

طيب يعنى ايه يتقالى من لواء مين علاء الاسوانى ده اللى اهم انجازاته عمارة يعقوبيان هو خلاص كده اصبح اديب ؟؟

يعنى ايه يعلمونى فى الخطه اراده فض الشغب والتظاهر اوعى تضرب طلقه فى الهوا لا يفتكرونا نازلين نهزر اضرب فى

المليان ؟؟

يعنى ايه عصابه خلصت على الجيش وبتخلص على مصر دلوقتى ؟؟

يعنى ايه ابقى عارف قد ده ميت مره والناس تقول شرفاء الجيش فين وما انزلش يوم ٨ ابريل ؟؟؟؟؟

يعنى ايه ظابط واقف قدام مقر رئيس الجمهوريه بدبابه ومعاهوش طلقه فشنك ياخد امر ما يعدوش غير على 

جثتك ؟؟

يعنى ايه ٦٥ يتدفنوا جنب السجن الحربى واهاليهم بيدوروا عليهم لحد دلوقتى ؟؟

يعنى الظابط اللى ساكت خاين واللى اتكلم تبع المجلس طيب نعملكم ايه علشان تفهمو ؟؟

يعنى ايه الوحده ٧٧٧ والوحده ٩٩٩ وحدات ارهاب دولى توضع فى مواجهه مع مواطنين مصريين

يعنى ايه قائد الفرقه الثانيه مشاه ميكانيكى يشرف على التعذيب داخل المتحف المصري

يعنى ايه لما اسكت ابقى خاين ولما اتكلم ابقى باعمل فتنه ؟

يعنى ايه الطيران الحربى يشارك فى تهريب اموال ؟؟

يعنى ايه حسن الروينى يأمر بتأمين ابناء مبارك من مصطفى محمود للتحرير ١ فبراير ؟؟

 — 

يعنى ايه اللواء صلاح الشربينى يسأل على ظابط ما يلقيهوش ولما ييجى كنت فين كنت باصلى يا فندم طب ١٥ يوم حجز وخلى ربنا ينفعك ؟؟

بمناسبة البلطجيه يعنى ايه الضباط تاخد اوامر ايام الثوره لو بتوع التحرير جابولكم بلطجيه خدوهم وافرجوا عنهم فورا

يعنى ايه اللواء طيار علاء نصارإختلاس ٢٥ ميليون جنيه يطلع معاش طبى ويعين على صاله ٣ بمطار القاهره ؟؟

يعنى ايه كل من هو لواء طيار حبيب مبارك او شفيق يعين فى مصر للطيران ويصل لأعلى المناصب ؟؟

يعنى ايه الفريق مجدى شعراوى الرقابه الاداريه قضيه ب ٤٥ ميليون دولار ومبارك يقول ماحدش يقرب له ؟؟

يعنى ايه مستشفى القوات الجويه الجديده بالتجمع الخامس تكليفتها اكتر من ٢ ميليار جنيه وتخدم رتبة لواء فيما اعلى والغلابه مش عارفين يتعالجو ؟؟

يعنى ايه ربح قائد المنطقه الغربيه الشهرى من حدائق وفنادق ومحلات ونوادى فقط ميليون جنيه شهريا

اللواء حمدى صبحى ابو سعده رشوه ميليون جنيه من مقاول فى تجهيز المنطقه المركزيه الزائف الذى افتتحه مبارك وعين بعد ذلك رئيس هيئة التفتيش ؟؟

دخل اللواء اسماعيل عتمان من ادارة الشئون المعنويه شهريا يتجاوز نصف ميليون جنيه مطربين وراقصات وعمره وخلافه يعنى ايه ؟؟

يعنى ايه فى عهد المللا فى الكليه الحربيه رائد يستحرم دهانات لمبنى صغير دورين ب ٩٠ ألف يشتكى ليكتشف انه كان ناسى صفر والمبلغ ٩٠٠ ألف ؟؟

يعنى ايه المشير لأحد اللواءات عندك فيلا ب ٨ ميليون جبت منين ال٨ ميليون يرد من خيرك يا فندم هههههههه والموضوع يعدى ؟؟

قائد المركز اللى فى الكيلو ٢٦ اللى فيه مشاكل اسمه العقيد خالد هيكل العقيد خالد هيكل رفض تنزيل صورة مبارك من مكتبه بعد التنحى وبضغط من الملازم اول/ ياسر بخاتى

انزل الصوره بعد ان ادى لها التحيه وقال انا اسف يا قائد وقال لجندى دخل سيادة الريس جوا فى الاوضه يا ابنى

يعنى ايه حتى هذه اللحظه بقاعدة الماظه الجويه طائره خاصه ملك لجمال مبارك تقدر ب ٤٠ ميليون دولار فلوس اي اللى بندور عليها ؟؟

يعنى ايه اللواء التهامى بعد منصب مدير المخابرات الحربيه يمسك الرقابه الإداريه ويقول فى عهد مبارك انا باسمع كلام المشير وبس ؟؟

يعنى ايه طنطاوى يقول أنا لن أكون المشير السابق هاكون المشير الراحل ؟؟

يعنى ايه المشير لضباط الدفعه ٩٨ خريجين ٢٠٠٤ انتم دفعه محترمه شكلى هاخد منكم رئيس أركان معايا ؟؟

يعنى ايه علشان اصبح من كبار القاده لازم اكون صاحب ثلاث مبادئ ( أحلام سيادتك أوامر - تفة سيادتك وسام على صدرى - شلوط سيادتك دفعه للأمام ) ؟؟

يعنى ايه المللا لطالب متفوق أنت هاتسلم على الريس ازاى بالخره اللى فى قورتك ده انت هاتستشيخلنا فيها يروح الحلميه تتشال بالليزر لو ينفع ؟؟

يعنى إيه فى القانون العسكرى الماده رقم ١٠٠ بتقول للضابط المصدق على الحكم جميع الصلاحيات تشديد تخفيض ايقاف الغاء يبقى القاضى لزمته ايه ؟؟

اللواء صلاح الشربينى مدير إدارة المدرعات حتى الأن تعدى بالضرب على صف ظابط حتى الموت فى ١١/٢٠١٠ ولم يحاسب حتى الأن....

يعنى ايه المشير لأهالينا ازاي ولادكم ينزلوا مع الرعاع فى التحرير أنا مش مصدق !!

اللواء حسن الروينى المجلس لا تشوبه شائبه وضباط ٨ ابريل الحاجه الوحيده اللى سوئت سمعت الجيش و خلت منظره سيئ

يعنى ايه ظابط قوات خاصه يقلوله ألبس ثعبان وانزل مقلوب بالحبل فى الصاله المغطاه وسط الراقصين ولا فرقة رضا ؟؟

يعنى ايه بعد ما ننزل من الطائره فى النيل انقذ ضابط صف بيغرق جهاز اشاره يقع يتقالى هو يغرق ويموت ويتحاكم وهو ميت والجهاز مايضعش ؟؟

يعنى ايه امريكا تدينا معدات على سبيل المعونه تحتاج قطع غيار اربع اضعاف ثمنها ؟

يعنى ايه الامريكان الكفره بيتدربوا علشان يموتونا واحنا قاعدين نهجس فى الهجايس ؟

ساره شمبونجو قالت على اتفاقية الخروج الأمن وعد بلفور أعطى من لا حق له من لا يستحق وإن شاء الله هايكون من لن يحكم إلى من لن ينول .

ماما خديجه مره قالتلى الثوره هاتنتصر لما نبطل نكدب وانا قلتلها لما نبطل نقول نديهم فرصه وناخد على قفانا

يعنى ايه بعد كل اللى بقوله ده تقعد تسألنى انت بتتويت ازاي وانت فى السجن وسايب اخواتك فى عز البرد عند ماسبيرو ؟؟

أنا دخلت الكليه الحربيه علشان اموت شهيد منتصر مش مهزوم واحترف قتال مش احترف شقلبظات!! 

يعنى ايه نكون ٥٧ ضابط فى ميدان التحرير ٨ ابريل يتحاكم ٢٢ منهم ١٤ بس كانوا فى الميدان وباقى ال٥٧ كوووووسه ؟؟

يعنى ايه عقيد مخابرات حربيه يطلب رشوه ٥٠ ألف جنيه من اسرة احد ضباط ٨ ابريل علشان يخرجه من الموضوع ؟؟

يعنى ايه علشان نخرج لازم نعترف أن التحرير عملاء وخونه والمجلس زى الفل ؟؟

يعنى إيه الرقابه الإداريه ترصد سنة ٢٠٠٥ ان اللواء مختار المللا وصالح الحسينى وسامح صادق ثروتهم تفوق ال ١٠٠ ميليون جنيه ؟؟

يعنى ايه يا اضرب مع اللى بيضربوا واعري مع اللى بيعروا وادهس مع اللى بيدهسوا يا اما يبقى حد بوظلى دماغى وضحك عليا ؟؟

صاعقة جلال هريدى وابراهيم الرفاعى ما بتعذبش ناس فى المتحف
المصري ومظلات سعد الشاذلى ما بتعريش بنات وتضربهم

يعنى ايه المشير يبلغ الريس على عملية شرق العوينات حررنا السياح واشتبكنا واحنا لقيناهم بالصدفه ومطلعناش طلقه واحده ؟؟



يعنى ايه المشير يسيب كتيبته تاكل علقه سخنه فى اكتوبر وبسببها تبدأ الثغره ونلقبه بطل معركة المزارع ؟؟





ليه الأستاذ يسرى فوده يستضيف اسماعيل عتمان يشوهنا ولما نطلب فرصة دفاع عن النفس بأهالينا واصحبنا ووثائق يرفض ؟؟





ليه الأستاذه نواره مصره اننا تبع المجلس ولما نطلب نتكلم معاها ونوضحلها ترفض ؟؟



هو احنا مش مصريين ولينا حق نغضب ونثور زيكم ونرفض الفساد والظلم ؟؟





أحنا ما عملناش انقلاب مسلح احنا نزلنا نقول انتم ماشيين غلط
والمجلس ده انتم مخدوعين فيه نبقى خونه ؟؟





لما ادخل كليه عسكريه علشان اموت علشانك والاقيك انت اللى بتموت علشانى وفى الاخر بينضحك عليك المفروض كنت اسكت ؟؟



أحنا الكيان الوحيد الحكومى اللى استفاد من الثوره وضع اجتماعى اختلف وعوائد ماديه وزيادة مرتبات طيب ليه نسيب ده كله ؟؟





ليه نسيب مستقبل مضمون ونختاركم ومانلاقيش غير سوء ظن وشك وتخوين ؟؟





ضباط ٨ ابريل على استعداد لمناظره على الهواء مع المجلس العسكرى عن الخطه اراده وحمايته للثوره زى ما بيقول والباقى لجنة الدفاع بمجلس الشعب





طيب لو غلطنا اننا انضمينا للثوره بزى عسكرى ادينا بنتحاسب وراضيين طيب عايزين بقى ندلى بشهادتنا على احداث الثوره والفساد فى مؤسستنا

قصه سوزان 

سوزان بيومى تعمل بشركة مصر للطيران والدها مدنى ميكانيكى يعمل بورش القوات المسلحه تزوجت سوزان من ضابط صغير تم الحكم عليه بالسجن فسعت ان تصل إلى كبار القاده محاولته مساعدته نجحت سوزان فى الوصول إلى ارقام هواتف كل من اللواء صلاح الشربينى واللواء يسرى زكى سكرتير المشير ونجحت فى الوصول إلى هواتف ممدوح شاهين واللواء احمد عبد الله رئيس القضاء العسكرى الاسبق وزكريا عزمى ونجحت سوزان فى الوصول للفريق سامى عنان  وبعد ان قابلت اللواء يسرى زكى سكرتير المشير فى سياره سوداء وظل يلف معها فى مصر الجديده للتأمين ذهب بها إلى فيللا فى التجمع الخامس وقام اللواء يسرى بمعاشرتها جنسيا والظابط الصغير خرج والحمد لله لكن طلق سوزان ولم تنتهى علاقة سوزان بالساده  كانت سوزان تعاشر اللواء صلاح الشربينى واللواء يسرى زكى لفتره طويله  وكانت سوزان تقابل زكريا عزمى الاثنين من كل اسبوع فى منطقة الجولف حتى اصبحت صاحبة شبكة توريد فتيات للساده القاده الكبار حتى سامى عنان واصبحت سوزان تتقاضى اموال باهظه من أي شخص له مصلحه داخل القوات المسلحه وكله بيخلص يا معلم زى السكينه فى الحلاوه ,  طيب انت عرفت الكلام ده منين ؟ الظابط الصغير دفعتى وعندى مكالمات مسجله للبهوات من و إلى سوزان





أنا عارف إنى هاموت قريب جدا بسبب الكلام ده او هتاخد على المخابرات تانى والله قاعد بقالى يومين مستنى حاجه من دول

انا بتويت من جهاز احد العاملين وربنا يسطرها بس لو كل واحد عارف هايخاف يقول ماحدش هايتحاسب وهايفضلوا يضربونا على قفانا


أنا متحول للنيابه وداخل على قضيه جديده بسبب كلام زى كده فى جريدة صوت الامه وبقالنا ١٠ شهور بنتكلم لكن ماحدش عايز يسمعنا


أنا مش جاى هنا اقول فضايح ولا شايف انى لسه قلت حاجه مهمه أنا جاى اقول ليه بنخاف نتكلم واحنا شايفين وعارفين ومتأكدين ؟؟


أنا اقسم بالله عندى كلام لو قلته ما هايطلع عليا نهار احنا عايزين نكلم الشعب المصري مالك الجيش الحقيقى ازاااااااااي ؟؟



اللهم إنا نحتسب هذا العمل عندك فاكتبه اللهم لنا فى ميزان حسناتناواجعله شاهد لنا لا علينا وارفعنا به درجه وحط به عنا خطيئه


ملازم اول ياسر بخاتى ورامى احمد ومحمد الحنفى طلعوا عرض مستشفى المعادى هما هناك دلوقتى (31 يناير الساعه 11:52 AM )

الله أكبر .. النصر للثوره .. الموت للخونه .. المجد للشهداء .. تحيا جمهورية مصر العربيه .

رسالة بأمل الوصول .... وحتى الأن لم تصل

دخول الثوار ميدان التحرير يوم 25 يناير 

اليوم تتم ثورتنا وحلمنا  سنة , وحتى الأن لم نقتص من قاتل واحد من قتلة الشهداء ,  ولم تنم أم شهيد مرتاحة البال باردة الصدر ، بل على العكس زادت أمهات الشهداء عددًا  وزاد القتلة فجورًا وطغيانًا ، حتى وصل بهم الحال إلى تشويه الشهداء الأبرار ،  فنعتوا بعضهم بالبلطجى ونعتوا  البعض الأخر بالخونة الممولين ، ولهذا فأن ثورتنا  لم تنته بعد.

 ولأن ثورتنا قامت بشعار " عيش ..حرية ..كرامة أنسانية " فحتى تعود كرامة المصري ويستطيع العيش فى حرية ،  فنحن فى ثورة وسنظل فى ثورة حتى ننتصر  وننتزع حريتنا  أو تًنتزع منا أروحانا .

ولأن شيئا لم يتغير والبلاد والأحوال كما هى بل واسوء  أعيد نشر مقالة  كتبها بلال فضل يوم 26 يناير 2011 قبل نزوله يوم جمعه الغضب وكانت فى شكل رسالة إلى ابنتيه ،  وستعتقد عزيزي عند قرائتها ان هذه المقاله كتبت أمس او اليوم  ،  وحتى لا أطيل عليكم بكلامي إليكم المقالة التي أعتز بها جدااا :

ابنتى الحبيبة: إزىّ حالك. أكتب إليك هذه الرسالة وأنت تأكلين الآن رز باللبن والقشطة والمكسرات مع الملايكة، بعد أن قضينا يوما جميلا حافلا باللعب والضحك والجرى والمرجحة والحواديت التى لم تفهمى منها شيئا لكنك بكل جدعنة تحملتِ حماسى المبالغ فيه وأنا ألعب دور الأب الحكّاء، فقررتِ مشكورة أن تلعبى دور البنت المنبهرة بحكايات أب رأى أنه من العبث أن يحكى لابنته عن الشاطر حسن وأمنا الغولة فى زمن يسوده الشطار والعيّارون وسارقو الأحلام، وتتوارى أمنا الغولة خوفا من غيلان القصور الحاكمة والممولة والراعية للحكم، فقرر أن يحكى لابنته عن أحلامه فى أن تعيش يوما ما فى بلاد أقل  سوءاً من التى عاش هو فيها.

الغريب يا ابنتى أننى وأنا أحكى لك عن هذه البلاد التى حلمت بها أنا والأجيال التى سبقتنى كنت أرى فى عينيكِ حزنا رهيبا جعلنى أشك للحظة أنك تفهمين ما كنت أقصده، ربما التقطتِ حزنى بفطرتك الذكية وربما أنا الذى ظننت ذلك مبالغا فى قدراتك كعادة الآباء، لكننى شعرت أننى فى حاجة لأن أفسر لك سر ذلك الحزن الذى تملكنى وأنا أحدثك، فقررت أن أسجل ذلك على الورق لعلنا عندما تكبرين نقرؤه سويا ونضحك على عبط أبيك الذى لم يكن يعلم أن الأحوال ستنصلح، أو لعلنا نقرؤه سويا ونبكى على حال هذه البلاد التى تعشق أن تصبح على الذى باتت عليه، وربما لا أكون معك أساسا وأنت تقرئين هذا الكلام فأكون قد حاولت أن أجيبك عن سؤال يواجهنى كثيرا هذه الأيام، ولعله سيواجهك عندما تكبرين، هذا 

السؤال المفزع الذى يطاردنى كثيرا يا ابنتى هو ما الذى تريده بالضبط؟ ولماذا تكتب كل ما تكتبه؟

 ولماذا لم ترض بالكثير الذى رزقك به الله، وقررت أن تتمرد وتلابط وتسوق العوج على الذين عاثوا فى الأرض فسادا وموالسة وزيفا وظلما؟ فأخشى ما أخشاه أن يصور لك أحد أن أباكِ كان مجنونا أو باحثا عن بطولة أو جاريا وراء وهم. وأنا يا ابنتى أقسم لك بالذى أنشأك فى أحسن صورة أننى لم أكن مجنونا أو بطلا أو موهوما. أنا كنت أنا، بأسئلتى الكثيرة وحيرتى وشغبى وكراهيتى للسير فى القطيع وحبى العارم للحياة، كل الحكاية أننى كنت أظن أن القلم لعبة لطيفة كما تظنين أنت الآن وأنت تلعبين بالأقلام التى أحضرها لك، لكننى تعلمت أن القلم لعنة تحرق صاحبها إذا لم يحمل أمانته التى اختار أن يحملها ظلوما جهولا.

أنا يا ابنتى كنت واحدا من ملايين غيرى عشنا نحلم فقط ببلاد أقل سوءا، بلاد حقيقية، ليست موجودة فقط فى أحلام الشعراء وخيالات الروائيين، بالعكس، البلاد التى نريدها كانت على أيامنا موجودة على خريطة العالم يتمتع بها من لا يدينون بديننا ولا يتكلمون بلغتنا ولا يدّعون مثلنا طيلة الوقت أن لديهم أخلاقا وتراثا وقيما وتقاليد وهوية وحضارة. كنا نريد بلادا نعلم كيف يأتى حاكمها ومتى يرحل ولا نعلم من سيخلفه مسبقا، بل نكون بحاجة لأن نفكر جيدا قبل أن نقرر من سيخلفه. كنا نريد بلادا نعلم من يحكمنا فيها، هل هو الحاكم أم ابنه أم أصدقاء ابنه أم قوى غامضة لا يعلمها إلا الله. كنا نريد بلاداً لا يفتش فى ضمائرنا فيها إلا الله ولايجرؤ أحد فيها أن يصادر على تفكيرنا ولا على حريتنا ولا على مشاعرنا. كنا نريد بلاداً يأكل المواطن فاكهتها بشغف لا يشوبه قلق من المرض الخبيث، ويمتنع عن الإكثار من أكل اللحم لأن كثرته مضرة لا لأن كثرته مستحيلة.

كنا نريد بلاداً نعلم لماذا تحارب ولماذا تسالم ولماذا ترفع صوتها بين الأمم ولماذا تخفضه، بلاداً تنحنى للعواصف دون أن تنبطح، وتلعب كل الأدوار فى السياسة الدولية إلا دور المحلل، كنا نريد بلادا لا تخنقنا بأوهام الريادة والسيادة والصدارة وهى تسير فى ذيل ركب الحضارة، كنا نريد بلادا لا يحتاج المحبون فيها إلى التخفى، ولا الحالمون بالجنس إلى الاغتصاب، ولا المنزلقون فى الزلات إلى اختبار الـ«دى إن إيه». كنا نريد بلادا يتمتع فيها الغنى بغناه دون أن يسرقه مسؤول أو يفرض عليه «الفردة» صاحب نفوذ أو يسرقه جابى ضرائب، بلادا فقرها ممكن الاحتمال، يحلم فيها الفقير بخروجه من فقره دون أن يتهمه الناس بأنه موهوم لا يدرك أن فقره سيسحقه وأنه هالك لا محالة. كنا نريد بلادا نعلم لماذا يتعرض الإنسان فيها للسجن وكيف يقضى ليلته فى السجن وماذا يأكل وكم مرة سيرى أهله وذويه ومتى سيخرج وما الذى سيفعله بعد أن يخرج. كنا نريد بلادا لا يُضرَب كُتّابها فى الشوارع ولا يختفون فى ظروف غامضة ولا يختارون تعرية ضمائرهم وأقلامهم خوفا من أن يجدوا أنفسهم عراة فى المقطم.

كنا نريد بلاداً توصل الكهرباء إلى بيوت مواطنيها لا إلى مؤخراتهم، بلاداً تروى عطش أهلها بالمياه النقية ولا تغرقهم فى براميل المياه حتى يعترفوا بجرم لم يرتكبوه، كنا نريد بلادا نموت فيها لأن الله وحده أراد لنا ذلك، وليس لأن لدينا مستشفيات بها أطباء بلا ضمير، وعمارات بناها مقاولون بلا إيمان ورخّصها مهندسون بلا ذمة، ومسارح لا مخارج للطوارئ بها، وطرقا تعبر بسالكيها إلى الموت، وفقرا «دكر» يدفع الناس لقتل أنفسهم عندما يعجزون عن قتله. كنا نحلم ببلاد لا نبكى عندما نغنى لها، لا نخاف عندما نشكو منها، لا يراودنا الشك فى مصيرها، ونموت لأى سبب إلا القلق على مستقبل أبنائنا فيها. كنا نريد بلادا تشجعنا على حبها.

.. لكننا يا ابنتى حيل بيننا وبين ما نريد ونشتهى تماما كما فُعِل بأسلافنا من الحالمين فى هذه البلاد الظالم حكامها لأهلها والظالم أهلها لأنفسهم ولبعضهم البعض، ولست أدرى فى هذه اللحظة التى أكتب لك فيها هل نرى يوما ما نريد أم نموت مثل أسلافنا قبل أن نرى ما نريد، وما كنا نريده كما ترين لم يكن وهما أو مستحيلا أو جنونا أو عبثا، بل كان حلما قابلا للتحقق لكن الوجوه الكريهة التى كانت سائدة فى زماننا لم تكن ترى ذلك ولا تريده، ولست أدرى هل سيكون فى الزمن الذى تكبرين فيه وتصبحين قادرة على فهم ما أكتبه لك الآن وجوه كريهة تمنعك أنت وجيلك من رؤية ما تريدونه، أرجو من الله ألا يحدث ذلك وأن تكونوا أسعد حظا منا، فتشهدوا لأول مرة تغييرا حقيقيا فى هذه البلاد التى ظل العالم كله يتغير وهى تتحايل على التغيير بألف شكل وشكل، تغير جلدها وشكلها أحيانا لكنها لم تغير أبدا جوهرها.

سأشعر بسعادة يا ابنتى لو كنت إلى جوارك بعد عشرين عاما ورأيتك وأنت تقرئين كلامى هذا وتسخرين منى ومن جيلى لأننا كنا نحلم بأشياء هى بالنسبة لكم بديهيات لا ترقى إلى أن تكون أحلاما. وسأشعر بالرضا لو جئتِ إلى قبرى وقرأتِ لى وعلىّ الفاتحة ثم قلتِ لى إنك الآن ترين ما كنت أريد.

ليس ذلك بكثير على الله يا ابنتى فالله يفعل ما يريد.. فقط عندما يسعى عباده لأن يعيشوا فى بلاد أقل سوءا.

بلال فضل  26\1\2011 

أثبت مكانك ..... انت معاك الحق

اثبت مكانك ده نور الشمس راجع ... يا تموت و انت واقف يا تعيش و انت راكع 

أحنا ولاد الكلب الشعب " الأبنودى "

من كل جهات المدن الخارسه.. ألوف شبان

زاحفين يسألوا عن موت الفجر

استنوا الفجر .. ورا الفجر

ان القتل يكف .. ان القبضه تخف

ولذلك خرجوا يطالبوا بالقبض على القبضه و تقديم الكف

الدم.

الدم قلب الميدان و عدله كأنه

دم نحاس مصهور

انا عندي فكرة عن المدن يكرهها النور

والبات اللي بات مش مسرور

عندي فكرة عن العار

وميلاد النار..

و السجن في قلبي مش على رسم السور

قلتله لأ يا بيه.. أنا اسف

بلدي بربيع و صباح

لسه في قلبي هديل الينابيع..

لسه في صوتي صهيل المصباح

لسه العالم حي

رايح .. جاي

بيفرق بين الدكنه.. وبين الضي

بلدي مهما بتتضيع .. مش هتضيع

ما ضايع الا ميدان وسيع.. يساع خيول الجميع

يقدم المقدام .. ويفرفر الفارس

ويترك الشجاعه للشجيع

ولا بعرف أبكي اصحابي غير في الليل..

انا اللي واخد عالقمر و مكلمه أطنان من الشهور

وعلى النظر من خلف كوة السور

واللي قتلني ما ظهرله دليل

وفي ليلة التشييع كان القمر غايب.. ما جاش

و النجم كان حافل.. لا بطل الرقصه ولا الارتعاش

لما بلغني الخبر اتزحم الباب

واتخاطفوني الأحباب..

ده يغسل .. ده يكفن.. و ده يعجن كف تراب

وانا كنت موصي لا يحملني الا كتوف اخوان

أكلوا على خوان

وما بينهمش خيانه ولا خوان

والا نعشي ما حينفدش من الباب

ما أجمل نومه على كتوف أصحابك

تنظر صادقك من كذابك

تبحث عن صاحب أنبل وش .. في الزمن الغش

و الرؤيه قصادي أتسعت

بصيت.. وحاسد نفسي بين خلاني

تعالوا شوفوا الدنيا من مكاني

حاشتني اغراض الحياة عن النظر

بالرغم من نبل الألم و الانتظار

اتعلمنا حاجات .. اقلها الحذر

و نمنا سنوات مدهشه.. نحلب ليالي حلمنا المنتظر

و امتلأت الاسواق بالمواكب

تبيع صديد الوهم و المراكب

وفارشه بالوطن على الرصيف..

بالفكر و الجياع و العناكب .. ومذلة الرغيف

يا عم الظابط انت كذاب.. واللي بعتك كذاب

مش بالذل هشوفكم غير.. أو استرجى منكم خير

انتوا كلاب الحاكم.. واحنا الطير

انتوا التوقيف .. واحنا السير

انتوا لصوص القوت.. واحنا بنبي بيوت

احنا الصوت ساعة ما تحبوا الدنيا سكوت

احنا شعبين شعبين شعبين

شوف الأول فين .. والتاني فين

وادي الخط ما بين الاتنين بيفوت

انتوا بعتوا الارض بفاسها.. بناسها

في ميدان الدنيا فكيتوا لباسها..

بانت وش وصدر.. بطن و ضهر

ماتت والريحه سبقت طلعت انفاسها

واحنا ولاد الكلب الشعب..

احنا بتوع الأجمل و طريق الصعب

و الضرب ببوز الجزمة و بسن الكعب

والموت في الحرب

لكن انتوا خلقكم سيد الملك

جاهزين للملك

إيدكم نعمت من طول ما بتفتل و بتفتل ليالينا الحلك

انتوا الترك.. واحنا الهلك سواق حكمته صاحب الملك

أنا المسجون المطحون اللي تاريخي مركون

وانت قلاوون و ابن طولون و نابليون

الزنزانه دي مبنيه قبل الكون

قبل الظلم ما يكسب جولات اليوم

يا عم الظابط احبسني

رأينا خلف خلاف

سففني الحنظل و اتعسني

رأينا خلف خلاف

احبسن أو اطلقني و ادهسني

رأينا خلف خلاف

و اذا كنت لوحدي دلوقت..

بكرة مع الوقت هتزور الزنزانه دي أجيال..

واكيد فيه جيل اوصافه غير نفس الأوصاف..

ان شاف يوعى وان وعي ما يخافش..

انتوا الخونه حتى لو خانني ظني..

خد مفاتيح سجنك وياك و أتركلي وطني..

وطني .. غير وطنك

ومشي..

وقلت لنفسي.. ما خدمك إلا من سجنك

في الحانة القديمة .... "مظفر النواب"

المشربُ ليس بعيداً ما جدوى ذلكَ، فأنتَ كما الاسفنجةِ تمتصُ الحاناتِ ولا تسكر يحزنُكَ المتبقي من عمرِ الليلِ بكاساتِ الثَملينَ لِماذا تَركوها ؟ هل كانوا عشاقاً ! هل كانو لوطيين بمحضِ إرادَتِهمْ كلقاءاتِ القمة؟ هل كانت بغي ليس لها أحد في هذي الدنيا الرثة؟ وَهَمستَ بدفء برئتيها الباردتين... أيقتلكِ البردُ ؟ انا .... يقتلني نِصفُ الدفئِ.. وَنِصفُ المَوقِفِ اكثر سيدتي نحن بغايا مثلكِ.... يزني القهر بنا..والدينُ الكاذِبُ.. والفكرُ الكاذبُ .. والخبزُ الكاذبُ .. والأشعارْ ولونُ الدَمِِ يُزَوَّرُ حتى في التَأبينِ رَمادِياً ويوافقُ كلُّ الشَّعبِ أو الشَّعبُ وَلَيسَ الحَاكِمُ اعْوَر سيدتي كيفَ يَكونُ الانسانُ شريفاً وجهازُ الأمنِ يَمُدُ يَديهِ بِكُلِّ مَكانٍ والقادم أخطر نوضعُ في العصارَةِ كي يَخْرُجَ منا النفطْ نخبك .... نخبك سيدتي لمْ يَتَلَوَّثْ مِنْكِ سِوى اللَّحْمِ الفَاني فالبعضُ يَبيعُ اليَابِسَ والأخضر ويدافِعُ عَنْ كُلِّ قَضايا الكَوْنِ وَيَهْرَبُ مِنْ وَجهِ قَضِيَّتِهِ سَأبولُ عَليهِ وأسكرْ .... ثُمَّ أبولُ عَليهِ وَأَسكر ثُمَّ تَبولينَ عليهِ ونسكرْ المشربُ غَصَّ بجيلٍ لا تَعرِفُهُ.. بَلَدٍ لا تَعرِفُهُ لغةٍ.. ثرثرةٍ.. وأمورٍ لا تَعرِفُها إلا الخَمْرَةُ؛ بَعدَ الكأسِ الأول تَهْتَمُ بِأَمْرِكَ تُدّفِئ ُ ساقيكَ البارِدَتينْ ولا تَعْرِفُ أينَ تَعَرَّفتَ عليها أيُّ زَمانْ يَهْذي رأسُكَ بينَ يَديكَ شيءٍ يوجعُ مثلَ طنينِ الصَمّتْ يشارِكُكَ الصمتُ كذلِكَ بالهذيان... وَتُحَدِّقُ في كُلِّ قَناني العُمرِ لَقَدْ فَرَغَتْ؟! والنادِلُ أَطْفَأَ ضَوْءَ الحَانَةِ عِدَّةَ مَراتٍ لِتُغادِرَ كَمْ أَنْتَ تُحِبُ الخَمْرَةَ.... وَاللُّغَةَ العَرَبِيَّةَ...... وَالدُنيا لِتُوَازِنَ بَينَ العِشْقِ وَبَينَ الرُمْانْ هاذي الكأسُ وَأترُكُ حانَتِكَ المَسحورَةَ ..يا نادِلُ لا تَغضَبْ... فالعاشِقُ نَشّوَانْ إمْلأها حَتى تَتَفايَضَ فَوْقَ الخَشَبِ البُّنِّيِ فَما أدراكَ لمِاذا هَذي اللوحةُ .. للخَمْرِ... وَتِلّكَ لِصُنْعِ النَعْشِ.. وأُخْرى للإعلانْ..... أملأها عَلَنا يَا مولايَ فَما أخرُجُ مِنْ حانَتِكَ الكُبرى إلا مُنتشئً سَكْرَانْ أصغَرُ شيءٍ يُسْكُرُني في الخَلْقِ فَكَيّفَ الإنسانْ؟ سُبحانَكَ كُلُّ الأشّيَاءُ رَضيتُ سِوى الذُّلْ وَأنْ يُوضَعَ قَلبِيَ في قَفَصٍ في بَيْتِ السُلطانْ وَقَنِعْتُ يَكونُ نَصيبي في الدُنيا.. كَنَصيبِ الطيرْ ولكنْ سُبحانَكَ حتى الطيرُ لها أوطانْ وتَعوْدُ إليها....وأنا ما زِلّتُ أَطير... فهذا الوَّطَنُ المُّمّتَدُ مِنَ البَحْرِ إلى البَحْر سُجُوْنٌ مُتَلاصِقَة.. سَجانٌ يُمْسِكُ سَجان...

Happy New Year

Firouz  

سنه .......

2011 سنه مش زى اى سنه مرت فى عمرى  سنه علٌمت فيا وأكيد فى كل مصرى  سنه ممكن اكون اتعلمت فيها اللى متعلمتوش فى عمرى كله ومريت بمواقف غريبه محصلتليش قبل كده ,  مكنتش متخيل ان هاييجى يوم  ويبقى فى يومى مرواح المشرحه عادى  والمشى فى الجنازات اشبه بالفسح  والمسيرات بقت هى الحاجه اللى تديك طاقه  لليوم اللى بعده,   كل ده متخيلتش فى يوم انه يبقى شكل يومى من الاساس, وبرغم انى عدت عليا ايام سوده  ومعنويات الواحد كانت بتبقى فى الضياع الا انى مفقدتش الامل  فى بكره وانه لازم هايبقى افضل واحسن   واللى كان بيساعدنى فى ده اصحابى اللى  بعتبرهم هما المكسب الاهم ليا من 2011  واللى قال معرفه الناس كنوز فعلا مكدبش البنى ادم النضيف اعظم من اى كنز , وفى زمننا ده انك تلاقى ناس نضاف  بقت عمله نادره تخيل لما تلاقيهم بيقعوا فى سكتك بالكوم ,على قد ما فى ناس شايفه  سنه 2011  سنه كوارث  وسنه مش كويسه وحصلت فيها مصايب كتير ده من وجهه نظر ناس كتير  الا انى شايفها من احلى سنين عمرى   على الرغم انى خسرت فيها من الناحيه الماديه كتير بس عادى الفلوس بتروح وتيجى لكن  محدش يقدر يرجع لحظه فاتت من عمرك , وبالمقارنه بناس تانيه خسرت عينيها وناس تانيه خسرت حياتها    ف انا مخسرتش اصلا بالعكس ده هما الكسبانين وانا الخسران  , اللى خسر عينه سبقته ان شاء الله ع الجنه واللى خسر حياته  ف ده شهيد حى عند ربنا فى منزله الانبياء  أما انا ف مستنى دورى ويا نكمل ثورتنا  يا نموت شهداء حريتنا  .
خلاصه الامر ان 2011 سنه  غيرت فى التاريخ كتير والحمد لله انى حضرت سنه تاريخيه زى دى وشاركت فى كتابه تاريخ بلدى من جديد  مع أطهر شباب جابتهم مصر  وهابقى فخور وانا بحكى لولادى  "ده لو عشت يعنى" اننا كان بيتقال علينا شويه عيال   وشويه العيال دى هى اللى  زلزلت عرش الظلم والجبروت  واسقطت رأس النظام  وجارى اسقاط باقى ازرع النظام فى 2012  
.... و لازم يسقط حكم العسكر